لە جیهان ژمارەی تووشبووان بە ڤایرۆسی کۆرۆنا گەیشتووەتە ٣ میلیۆن و ٤٢٠ هەزار کەس و زیاتر لە ٢٤٠ هەزار کەسیش گیانیان لەدەستداوە. دەسەڵاتی ئاکەپە-مەهەپە ئامارە راستەقینەکان دەشارێتەوە و کەمپینەکانی هەدەپەش بۆ پشتیوانی بەردەوامن.
قەیرانی کۆرۆنا لە سەر ئاستی جیهان بووە بە هەڕەشەیەکی مەترسیدار بۆ سەر مرۆڤایەتی. تا ئێستا ٣ میلیۆن و ٤٢٤ هەزار کەس تووشی ڤایرۆسەکە بوون و زیاتر لە ٢٤٠ هەزار کەسیش گیانیان لەدەستداوە.
زۆرترین حاڵەتی تووشبوون بەو ڤایرۆسیە لە ئەمریکا تۆمار کراون. بە پێی ئامارەکان، میلیۆنیک و ١٣٢ هەزار کەس لەو وڵاتە تووشب ڤایرۆسەکە بوون و هاوکات ٦٦ هەزار کەسیش گیانیان لەدەستداوە.
لە لایەکی دیکەوە ئاماری تووشبوونانی ڤایرۆسەکە لە هەر یەک لە ولاتانی ئیتالیا، ئیسپانیا، بەریتانیا، فەرەنسا، ئەلمانیا و تورکیاش رۆژ بە رۆژ بەرز دەبنەوە.
تورکیا
لە لایەن رای گشتی ناوخۆی تورکیا و نێودەوڵەتیەوە جەخت لەوە دەکریت کە بەرپرسانی ئاکەپە و مەهەپە ئامارە راستەقینەکانی قوربانیەکانی ڤیرۆسی کۆرۆنا لەو وڵاتە دەشارنەوە. بە پێی ئامارە فەرمیەکانی دەوڵەتی تورک لەو وڵاتە تا ئێستا ١٢٤ هەزار و ٣٧٥ کەس تووشی ڤایرۆسەکە بوون و ٣ هەزار و ٣٣٦ کەسیش گیانیان لەدەستداوە.
کەمپینی یەکگرتن بەردەوامە
لەگەڵ ئەوەی بەرپرسانی ئاکەپە و مەهەپە رێگریی لێ دەکەن، بەڵام کەمینی یەکگرتنی کۆمەڵایەتی بە پێشەنگی هەدەپە بەردەوامە. ژووری قەیرانەکانی شاری وان-ی هەدەپە رایگەیاند، لەو شارە ناوی ٥ هەزار خانەوادە تۆمار کراوە و پەیوەندیش بە ٢٥٠٠ خانەوادەی ترەوە کراوە و یەکگرتنی نێوان ١٥٨٥ خانەوادەش ئەنجام دراوە.
ژووری قەیرانەکانی شاری وان دەڵێت، هاوکاری مادیان پێشکەشی ٩٢٠ خانەوادە کردووە.
ئامارەکان لە جیهان
ئەمریکا
میلیۆنێک و ١٣٢ هەزار تووشبوون و ٦٥ هەزار و ٧٨٣ گیانلەدەستدان.
ئیتاڵیا
٢٠٧ هەزار و ٤٢٨ حاڵەتی تووشبوون و ٢٨ هەزار و ٢٣٦ گیانلەدەستدان.
ئیسپانیا
٢١٦ هەزار و ٥٨٢ حالەتی تووشبوون و ٢٥ هەزار و ١١٠ گیانلەدەستدان.
فەرەنسا
١٦٧ هەزار و ٣٤٦ تووشبوون و ٢٤ هەزار و ٥٩٤ گیانلەدەستدان.
بەریتانیا
١٧٧ هەزار و ٥٠٠ تووشبوون و ٢٧ هەزار و ٥٠٠ گیانلەدەستدان.
ئەلمانیا
زیاتر لە ١٦٧ هەزار حاڵەتی تووشبوون و ٦ هەزار و ٧٣٦ گیانلەدەستدان.
بەلجیکا
٤٩ هەزار و ٥١٧ تووشبوون و ٧ هەزار و ٧٦٥ گیانلەدەستدان.
سویسرا
٢٩ هەزار و ٨١٧ تووشبوون و هەزار و ٧٥٤ گیانلەدەستدان.
هولەندا
٤٠ هەزار و ٢٣٦ تووشبوون و ٤ هەزار و ٩٨٧ گیانلەدەستدان.
بە پێی ئامارە فەرمیەکانی دەوڵەتی ئێرانیش بێت، ژمارەی تووشبووان گەیشتووەتە ٩٦ هەزار و ٤٤٨ کەس و ژمارەی گیانلەدەستدانیش گەیشتووەتە ٦ هەزار و ١٥٦ کەس.
لە روسیاش ژمارەی تووشبووان گەیشتووەتە ١٢٤ هەزار و ٥٤ کەس. هەزار و ٢٢٢ کەسیش گیانیان لەدەستداوە.
ز.ش
